Sam keil 139:18-22

¹⁸Vahit masak visi mahuli keil, hulien teni vahi houlu mok valin veien vasi keil ten out netan. Munak namatil ka namule eris, nalesi keke namul veah ral minuk.

¹⁹O Ahi, ek vati mok keke ku vini koakeil amum kalkali lises, ka kisakin meatin keil koa e vati avouas inau mamat, iha ranau.

²⁰Meatin keil ekek amul aselus kutut usiluk, ka aselus karen isom.

²¹O Iahova, tinok tisa va kat koakeil tine tisa katuk, koakeil asesein losilkatien onom, atisaso enges en metok.

²²Tinok vepeng va kat keil ka avi vativieh ral minau.