Salamo 139:18-22

¹⁸Ena ea hasiridi gamagarina gelegele i dioi. Ena ea enotoro oa hinage gegesigu eai.

¹⁹Eaubada e, taba laulau gewagewa tataodi u unuidi mo, taba taunimaosina tataodi hinage se torohaigabaegu,

²⁰tatao wa ma nuatu baabaaeadi se awayagalaem, baaea debana eai se oioipiriem!

²¹GUIAU e, isi oa se hewaiunuem eau hinage ea hewaiunuedi e nige’e? Isi hinage oa se ialaim, eau hinage ea isugaraedi e nige’e?

²²Hewaiunu mamohoina arinai ea hewaiunuedi; ea itadi isi hinage eau agu waiunuyao.