Sam keil 119:32-40

³²Navong nalong mengkatien keil onom, nakalah namum musili, veni nakilea keke kisan tei ris ileilien minau heka ien.

³³O Iahova, kihiseinau en aneite ten rendemien keil onom koa koling kati mousili, ka nilong kati lisenges.

³⁴San ileilien minau ka nusil kat mengkatien keil onom. Anatin, nilong kati hetal min moulien vasi onak.

³⁵Kilamunau en sise ten mengkatien keil onom, veni en sise enek nihotin sien.

³⁶Kihiles moulien onak keke nusil kat tounah koa koviteni, keke nanousiltei sakien ten metenan.

³⁷Kihiles metok ran tounah keil avi heisav enges, ka kisan moulien minau heka en mengkatien keil onom.

³⁸Kisakin selusien onom hemai hehi anatin en moulien onen meatin toumien onom, veni hesakini hehouhou enuk.

³⁹Inau namul nametaun selkututien keil koa vativieh keil onak amumoni vaha kat inau. Sakini, kutut inau li veni tounah koa kolei usili musil rendemien koa mal.

⁴⁰Ek vati li mok hihiseien keil onom. Veni keik komal imok, kisakin moulien onak hehi heite hau.