SAM 96:7-12

⁷Ginu aminu kuupbamda itane umana kopsa akngaat gatu kekeknganaat ngangge apbakngake yatangenatnong.

⁸Ginda Buyambam tapatane umana kopsa akngae yatangenatnong. Sanga kundu ie imunangge pake yotnane kopnong.

⁹Ginu aminu kuupbamda Buyambamtapa takwan yuak kapae munu puke inimbaknganong. Inimbakngake ginda ie akgwauke dandansa yamutnong.

¹⁰Sike ginda aminu keu komdu komdune nana kuupbamu anzing yaninong, “Buyambamtapa king kapa yuak.” Siwan ita kepdaka tapan kekekawan saa sinanga dua. Masande Buyambam tapata kepi noman takngane wam usanzike aminbamu yuyuknga yuaing kakngane usanziwik.

¹¹Sanga kakaa komune nanaat gatu aminu kepna kepna nanaat ngangu ginda apbaknganong. Yanggabam gwen gatu sangabamu gaatang yuaingu kuutda gakngatbam tasike ayanggamatanong.

¹²Puya anga kuupbam gatu nanamu kuupbamu gaatang yuaingu ginu kuupbamda apbaknganong. Siwana katau zongaatang nana kuupbamda kau apbakngake tainong.