SAM 86:2-6

²Sike na gatuka tapi na dua kupit. Dasingge? Nata gatane puya aminda yuke gae baniu asinggat. Sike nata ga akgawanggat.

³Anutu, ga natane Anutuna. Nata tapdukbamu kwakngaom gatu zikaane ngangu nata gae tumuk wamu ganinggat. Ganiwawa gata musip kwikwiu nae natangamuyo.

⁴Buyambam tapa, na gikane puya amindae musipma tasiwi apbakngayok. Dasingge? Na tumuk wamu gaekan yanggat.

⁵Buyambam tapa, ga amindatdat binga yuayak, ge gata nindane waiaknganinu asandekgaak kapanin. Sike gata aminu gae tumuk wam ganikaingge asiknga baknganggayak.

⁶Buyambam tapa, nata gae tumuk wam ganiwa gata maak gwaang pake natane tumuk wamu natapso. Gata na akgatangamiyakge natake yanggatde tumuk wama natapso.