Psalms 86:2-6

²Mu ayuwegneg u pa’ e yam’, ya gub yul’yul’ ngom; mu ayuwegneg, ya gag e tapigpig rom mma pagan’ug ngom.

³Mu runguyeg, ya gur e Got rog; gu be meybil ngom nib polo’ e rran.

⁴A Somol, mfal’eg laniyan’ e tapigpig rom, ni bochan e beyib e meybil rog ngom ngalang.

⁵Gur e gab gol ngomad ma ga ma n’agfan u wun’um e kireb romad, ma gubin e pi’in yad ma meybil ngom e yad ba sug ko fare t’ufeg rom ni dabimus.

⁶SOMOL, mu telim ko meybil rog; mu rung’ag e meyor rog ni gu be man ayuw.