Salmos 86:2-6

²Gam munashayquinömi nogaga rurä. Chapaycamay ari. Gammi canqui Diosnë. ¡Gamman yäracamoj sirbishojniqui caycaptëga salbaycamay ari!

³Tayta Dios, imay örapis gamtami mañacaycämö. Cuyapaycamay ari.

⁴Tayta Dios, gamtami mañacaycämö. Gamta sirbiycaptëga cushicaycachimay ari.

⁵Tayta Dios, gamga canqui allimi, imapitapis perdunajmi. Amatarmi cuyanqui gamman mañacamojcunataga.

⁶Tayta Dios, mañacamushätaga wiyaycuy. Ruwacamushätapis wiyaycamay.