3Nzkrlz-krnge nivz lrm myaszpx-zlwzle nzlu-krnge mz nrlc. X glqlz-zvzx nim mz nzaodu-zvz-krm ninge.
4X sa na-awi-zvzbo bam Mz nzglalz-krbo mqnge mz nzkrka'-krbo bam.
5Drtwrnge sa naesatxpx zpwx nzmnctr-krbo bam. X sa na-angrlvzx nim mz nabz kxyrlvi.
6Mz nrlckxbq kang kqlu aoti zvz drtwrnge nim, Vz vz nrlc ngrlxtxpx.
7X angrlvzx nim mz nzabrtzngr Murde okatr-zvzq ninge x tu-zvzme mz nibrnge.
8Mnc-amqngitrpo bam, X lolvz-amqngiq ninge mz mqm kx xplr.
9A' ayrkrtxong mz drtc' Krkcng tzrpilr nanibqlr ninge.
10Nibqting nidr mz vea, Murde kuli kzpeto nangqtilr namz ngrdr.
Sam 63
Sam 63:3-10