SALMOS 63:3-10

³Pampa motlaicnelijcayo más hueyi ipati huan amo nonemilis. ¡Tlahuel nimitzhueyimati!

⁴Huan nochi tonali quema noja niitztos, nimitztiochihuas. Huan moixpa nimomatlananas huan nimotlatlajtis ica ta.

⁵Huan huajca, quena, nijmatis quen elisquía ya niixhuic ica se tlacualistli catli ajhuiyac. Huan nimitzhueyimatis ica miyac paquilistli.

⁶Nochi yohuali quema nimoteca ipan notlapech huan amo hueli nicochi, nimoilhuía tlen ta. Quena, nimonejnehuilía tlen ta sesen hora.

⁷Nimoilhuía quenicatza techpalehuijtoc huan yeca sesen yohuali tlahuel nipaqui. Quen se piyo quintlatía iconehua ieltlapaltzala, quej nopa ta techtlatía na para amo tleno nechajsis.

⁸Nimotlatzquilijtoc ipan ta pampa san ta techmocuitlahuía ica mohueyi chicahualis.

⁹Nochi catli quinequij nechmictise yase mictla.

¹⁰Pampa ya eltoc tlasencahuali para miquise, huan para sequinoc quintzontlamiltise ica machete. Huan inintlacayohua elis tlacualistli para nopa tepechichime.