Sam 35:16-25

¹⁶Nzxtrnga-ngrdr ninge mz da kx prtilzleng ninge, X nzmadqtimlr nqngidr bange.

¹⁷?Yawe, nzatrkatingr ninge lc, nakrlzbzle mzli kznike? Arlapx ninge mz leplz lcng tzapulr laion kx nangqdr ninge.

¹⁸X sa na-awibo bam mz mz leplz nemqng Mzli kc nayrlwrngr mz nzangio-krgr nim.

¹⁹Leplz lcng nzpxtxpx-krdr ninge trpnzngr noude. Bzkq rlr-ngrbzme badr nzabrtzlvz-krdr nzkxpu-krngeng, X nzyrpalelvz-krdr nzvzkr drtwrnge.

²⁰Trnzkrlzlru nzycmnengr mz nrwx. A' nzpikiti-zvzlr krkcng tzmnc-lrping mz ma nyzdr.

²¹X nzpibqti-kzlr ninge mz nzrpi-krdr kx, “Eke! A' mcpekr da kxtrka kc tqaleq.”

²²Yawe, krlzq nikeng nzalemlr bange. Bzkq mnc-lrpiq x obqlvztx-ngrn nidr.

²³A' vzm, tum mz nibrnge, X ota-ngrbz ninge.

²⁴Bzkq rlr-ngrbzme badr nzbilvz-krdr ninge. A' pim bange trnzvz-rbr-krpwc'u murde tubqq mz nzryrlq-krm drtwr.

²⁵Bzkq rlr-ngrbzme nzrpi-krdr kx sc tzaovxiopelr ninge, X me pnz drtwrdr ngidape.