SAM 33:16-21

¹⁶Kingu tapatuta amau tasike iwana yawamban kukaingu kekeknga amak aminu buyambamde kekekngane dua yapbikgak. Amak aminda iwana inane kekekngane dua yapbikgak.

¹⁷Siwan ikwawa gamanu hos ngang yanikaing gwegwenda amak amin gatayaman amake yapbitnanga dua. Amak aminu amak tasike tuyukawanu hosdane kekeknganata gatayamunanga dua.

¹⁸Siwan ngana natapnong. Buyambam tapata aminu ie gepbiatang yuaingu kakuya apasinggak. Ngan, aminu Buyambam tapata musip kwikwiu asinggan asinggan natayamikge banip sikaing aminu ita asinggan kakuya apasinggak.

¹⁹Ita kakuya tasiwanu, waaminda dua kumning. Siwan tom tapduk gwegwene ita nanam yaman nake dua kumning.

²⁰Ninda yuwatna Buyambam tapata gatanimik. Buyambam tapatakan ninu akgatanimunggak. Ita tuyunggu amakgane daka binga yuak ngang natake ninda undang kusopunim.

²¹Ninda umana noman siknga akngae banip siknga sikamang. Unzingge ninda ie apbakngakamang.