Sam 23:2-6

²Me banlanedio bola euda bedewe antedine, sape esa obasa aleidiawo wanwan euda wainedine bubuadewantedina.

³Ne sape wainedine leidino nuana wasileidio muka wadedina. Me dewawa dodomana baiwa ne banlanedio a dewadewantedina.

⁴Tane ne dewa da badowaida kadineampo boida baiwantepine mai bo ba kadiwa sawanteapa, ipawa Iawe God e ipa ne do mai eneipona, dia; e koinaa mampe bodaneie onianeiana.

⁵E nisoneiano emalawoana apanawa ewaneio oda nanawa debama imasaanawo iedina. E ne ituposineaana manawonteapa baiwa mena wadee uanawo memeana; do nana nadine pokanedio wainedina.

⁶Ita e ne nuawadawadanene dewa euda mainawo dewasana, ita ne e nata duawo wankasantata.