SAM 146:3-10

³Tupan aminu akumnanga apa apa, sike wa aminda na dua gatangamuke taning. Unzingge gata ie baniu dua siwim.

⁴Tapduu akumning kopatangu wa aminu kep ganang pukuning. Siwan tapduu wa amindane uyungata teke kuning komune gwa kumbingga wamu sanga kundu tasinangge yakingu buyana wena siwik.

⁵Siwan Jekopda Anutue banip sikut. Siwan aminu tapatu Anutu waapae banip siwan ita gatangamukut tapata apbakngayok. Siwan gatu aminu waapa Anutu Buyambam tapae natapan kekekawik apata apbakngayok.

⁶Siwan Anutu waapa sanga ena yekapgwen keu andaka gatu yanggabam gwen gatu sangabam undang yuaingu pasike pekut tapanin. Ngan, Anutu waapata wamu ayanggak saak asinggan asinggan tasinggak.

⁷Ita amin iwande gepbiatang koyuke tasingupeekaingu akgatayamunggak. Gatayamuke ita aminu waakwau nanam tomde yuaingge ayamunggak. Sike Buyambam tapata kautde yuaingu sandepakepan kautde dua yuting.

⁸Siwan gatu ita tasiwan kai akusia aminu gatuna akaaing. Siwan meya takngatu takngatuta apu pasiwan maikaingu asandeyamunggak. Buyambam tapata amin noman yuaing aminde apbaknganggak.

⁹Sike ita aminu komduine nana nindane keunin yuaingu ita kakuya apasinggak. Siwan gatu ita maya apna gwa kumbingu kakuya tasike gatayamunggak. Siwan waatdaka nana gwa kumbingu kuut gatayamunggak. Siwan ngana ita wai amindane natdetdetna apasiwan maikaing.

¹⁰Buyambam tapa king dakngake asinggan asinggan yuwik. Ginu amin Saion nana, gindane Anutusa king dakngake asinggan asinggan yuwik. Ginda Buyambam tapae apbaknganong.