Sam 139:3-13

³U reven ia at levenaleng nia a gugu xopla ak lok mamana. Nenu uklen axap leveloklok tarak.

⁴Keke i do a xovisi ana vaase, uraklen pam levelinga salai anaba vaase i.

⁵U turu too rak at lengkot axap. La u reven aratao ia mi lolos silok taram.

⁶Lakleklen taram tia i si aleng. La mo lakleklen taram mumu ia, a sangu aleng teren.

⁷Anaba sixiro ua basinge u? Anaba vas taba ia ua basinge levereven taram?

⁸Mo do anat pas uto vana at laxalibet, nenu uk lok go. La do ana midi ro at lemenemen at labarongan, nenu uk lok go.

⁹La mo do ana rava kaxat uto at lenep, laxangking i losu ve xopla anak lok to vaxalom at lenep laxangking i lotup e,

¹⁰nenu mo unabak lok go xusu tim gomgonga ia la unaba nemen go rik lok tooro ia.

¹¹Mo do nia giba epovo ri tong i ri lamain kusu na lipe ia, kopla laxasep mo ik lok kangkan ia na repukus ngan laxanimin, nenu naba epovo na ven ia.

¹²Ketla lamain bok kopmen na lok ngan lamain at levereven taram, la laxanimin i kasep ngan ta laaleng kangking. Lamain eburu mi laxasep, nedu du epovo mun at levereven taram.

¹³Uga rudum lengkot axap at labantuxu rak. Uga vop etang ia ro xeneng at latnenat at ne naga.