SAM 136:7-25

⁷Ita gunzit gatu yekau zikaane kakaa nimunggak gwen ngang pasike pekut. Asinggan asinggan ita ninde musip gwaang siknga natanimuke yuak.

⁸Ita gunzit tasiwan akwakanggak ge kuyana yuak. Asinggan asinggan ita ninde musip gwaang siknga natanimuke yuak.

⁹Ita tasiwan yekap gatu yekapdaak ngang zikaa dakatane kakuya tasinggak. Asinggan asinggan ita ninde musip gwaang siknga natanimuke yuak.

¹⁰Ita engangu waatdaka Isip kep komune nanatane tupan tapa apa zipa kumbing. Asinggan asinggan ita ninde musip gwaang siknga natanimuke yuak.

¹¹Ita Isrel nana aminbamu yanipakapan Isip kepkom teke apbing. Asinggan asinggan ita ninde musip gwaang siknga natanimuke yuak.

¹²Ngan, inane kekeknga akngananeta waaminu yanipakapbut. Asinggan asinggan ita ninde musip gwaang siknga natanimuke yuak.

¹³Ita tasiwan yanggabamu Ret Si gwenu kaukaut wesiwan kukut. Asinggan asinggan ita ninde musip gwaang siknga natanimuke yuak.

¹⁴Ita tupan kuke aminabamu yanipakapan yanggabamu wagwende banakan kuking. Asinggan asinggan ita ninde musip gwaang siknga natanimuke yuak.

¹⁵Ita tasiwan kingu Isip nana apa gatu itane amak amina ngang yangga tangoke kuupbam kumbing. Asinggan asinggan ita ninde musip gwaang siknga natanimuke yuak.

¹⁶Ita tupan kuwawan inane amina keu sanga wena kepban komune tawaking. Asinggan asinggan ita ninde musip gwaang siknga natanimuke yuak.

¹⁷Ita kingu kekeknga yukingu atzipa kumbing. Asinggan asinggan ita ninde musip gwaang siknga natanimuke yuak.

¹⁸Ngan, ita kingu umana kaya apaapa atzipa kumbing. Asinggan asinggan ita ninde musip gwaang siknga natanimuke yuak.

¹⁹Ita Kingu Sihon, Amor yot gapmane nana apa atanguwan kumbut. Asinggan asinggan ita ninde musip gwaang siknga natanimuke yuak.

²⁰Ita kingu Ok, Basan yot gapmane nana apa tanguwan kumbut. Asinggan asinggan ita ninde musip gwaang siknga natanimuke yuak.

²¹Ita kingu waakwakgane kepna kaiwa kuwan inane aminabamde yamukut. Asinggan asinggan ita ninde musip gwaang siknga natanimuke yuak.

²²Ita keu wandaka kaiwan kuwan Isrel nana inane puya amin takwakge yamukut. Asinggan asinggan ita ninde musip gwaang siknga natanimuke yuak.

²³Sike tapduu ninu moo amin yukumang komune ita ninde dua botakut. Asinggan asinggan ita ninde musip gwaang siknga natanimuke yuak.

²⁴Ita iwaninde kataune kaiwa kuwan pakut. Asinggan asinggan ita ninde musip gwaang siknga natanimuke yuak.

²⁵Ita aminde gatu kaap zongge ngang kuutde yamunggak. Asinggan asinggan ita ninde musip gwaang siknga natanimuke yuak.