8O ŋokac hawari biaŋ mocjaha, go mi manakicko ine lama jaŋere kike hata bâjâperâ razemec, ehuc lama motecfâcge lama soŋaŋ jaŋere boze heririŋnao râec‐jopazemec.
9Joroc biaŋ‐nane, no gore manape Farao keretac‐ticnere becâsicfâc jaŋere sâc ekomec.
10Maucge erickekicnere boc biaŋkekac, â upegao eri qoqonaŋ furi sâko râekicne fokac.
11Nâŋe eri wiac golzi bagarehuc ŋondeŋnao siliwazi kubu bakicne i mâmâc râenaŋmu.
12Ŋicwofuŋ e nânâ nâocte waha ŋehame eri qoqonaŋ‐nanere âsu biaŋzi sâkene babatarawec.
13Joroc biaŋ‐nane e hâpo heâroŋ enareme manape ʒariŋ ɋitickekicnezi amec‐naneo fokac tinac ekac.
14No ere manape Eŋgedi mâreŋte waiŋ gieonec ʒariŋ âsunehec tinac ekac hâcne.
15O joroc biaŋ‐nane, go sahac hawari biaŋ, go ʒâŋe kereŋ biaŋ‐nane!