Salmos 60:2-12

²Gammi camacächishcanqui pacha sicsicyar quichacäcunanpaj. Cananga chay quichacasha caycajcunata wichgacächiyna. ¡Pachaga pasaypami gotucaycan!

³Nogacunataga ñacaymanmi chayachimashcanqui. Castïgu bïnuta upuchimashayquipitami ñacaycäcuna.

⁴Gamta rispitashoj cajcunataga musyaycachiy ari lëchawan wañunanpita gueshpicunanpaj. Selah

⁵¡Cananga munayniquiwan salbaycamay ari! ¡Cuyashayqui runacunata salbaycuy ari! ¡Wiyaycamay ari!

⁶Tayta Dios Templuyquicho caycar aunimarmi nirayqui: «¡Ima cushisharaj acrashäcunata raquipäshaj Shequemta! ¡Ima cushisharaj partipäshaj Sucot guechwatapis!

⁷Galaadwan Manasesga nogapami. Efrainga acrashä runacunata chapänanpaj caycan pillyacho chapämaj fyërru cascönömi. Judäga caycan acrashä runacunata mandananpaj ray tiyananmi.

⁸Moabga sirbimänanpaj carmi mayllacunä labaturyuno. Edomnami llanguëta purichej uywaynëno canga. ¡Filistea runacunata binsiycurnami cushicuypita gaparäshaj!» nir.

⁹Ichanga ¿piraj pushamanman intërunpa curalasha caycaj siudäman? ¿Piraj pushamanman Edomcama?

¹⁰Tayta Dios gamga nogacunapita witicurishcanquinami. ¡Cananga mananami suldäröcunawanpis aywanquinachu!

¹¹Yanapämay ari chiquimajcunata binsinäpaj. Runa yanapämashanga yangallami.

¹²Tayta Dios yanapämashaga binsishunmi. ¡Chiquimajninchïcunatapis paymi lluchcargärenga!