SALAMO 60:2-12

²Oi ese tano vada o haheude-heudea, vada o hapararaia; ba haginia lou, badina be e marere-mareremu.

³Kara aukadia amo emu bese taudia vada o hahisidia; vine ranuna vada o henimai, vada a inua, vada a kekero.

⁴Pepe vada o veria dae, e gari henimumu taudia edia, ienai bae hahegoada hebou, peva bae heautania negana ai; (Selah)

⁵unu amo emu lalokau taudia na bae roho mauri. Imamu idibana amo kwalimu ba henimai, bona ba haere henimai.

⁶Dirava na ena gabu helaḡana ai vada e hereva, eto, Mai moalegu ida Sekem baina hapararaia, bona Sukoto kourana baina haria.

⁷Gilead na lauegu; Manase na lauegu; Efraim na egu kwara ḡauna; Iuda na egu dagi auna.

⁸Moab na imagu ihuridia dihuna; Edom Iatanai egu tamaka na tahoa kaumu; Filistia daenai na heaḡimu, na lolomu.

⁹Daika ese hanua mai maḡuna lalonai baine hakaugu vareai? Daika ese Edom baine haka-lgu lao?

¹⁰Dirava e, vada o dadaraimai ani? Dirava e, emai tuari oreadia ida so raka lasimu.

¹¹Ame kahamai, inaimai ituari-henidia ai; badina be taunimanima edia hekaha na asi anina.

¹²Dirava ida baita goada balaheni; ia ese ita inaida baine moidia tao.