SALMOS 124:1-7

¹Nochi israelitame ma quiijtoca tlachque tijchijtosquíaj intla TOTECO ax itztosquía tohuaya huan ax techpalehuijtosquía.

²Intla TOTECO ax itztosquía tohuaya quema nopa tlacame motlalanque para techtehuise,

³techtolojtosquíaj tiyoltoque huan techtzontlamiltijtosquíaj ica ininhueyi cualancayo.

⁴Inijuanti techhuahuatatztosquíaj queja atl tlatilana, huan huajca eltosquía queja atemitl panotosquía topani.

⁵Quena, eltosquía queja topani panotosquía se tlahuelatl tlen tetetztic, tlen tehuahuatatza huan titzonpolijtosquíaj.

⁶Ma tijtlascamatica TOTECO pampa ax quincahuili ma techcoco.

⁷Queja se tototl cholohua tlen se tlaquetztli, queja nopa nojquiya Toteco techchololti ininmaco tocualancaitacahua, tlen quinequiyayaj techmasiltise. Nopa laso cotonqui huan tojuanti timocajque timalacantoque.