SALMOS 124:1-7

¹Nochi israelitame ma quiijtoca tlaque tijchijtosquíaj sintla TOTECO amo itztosquía tohuaya huan amo techpalehuijtosquía.

²Sintla TOTECO amo itztosquía tohuaya quema nopa tlacame motlananque para techhuilanase,

³techtolojtosquíaj tiyoltoque huan techtzontlamiltijtosquíaj ica ininhueyi cualancayo.

⁴Inijuanti techhuahuatatztosquíaj quen atl tlatilana, huan huajca eltosquía quen hueyatl panotosquía ipan tojuanti.

⁵Quena, eltosquía quen panotosquía miyac atl catli tetetztic, catli tehuahuatatztosquía huan titzontlantosquíaj.

⁶Ma tijtlascamatica TOTECO pampa amo quincahuili ma techcococa.

⁷Quen se tototl cholohua tlen se tlaquetztli, quej nopa nojquiya Toteco techchololti ininmaco tocualancaitacahua, catli quinequiyayaj techmasiltise. Nopa lazo cotonqui huan tojuanti timocajque timajcajtoque.