GWAY GI IDAWUU’D 124:1-7

¹Waḵki/ a’di midi diki ’taki ta Tap̱a jin di’di ’ko’d gwar bana mo tani, dhalka Israyiil o gwo mo shwane/ –

²waḵki/ a’di midi diki ’taki ta Tap̱a jin di’di ’ko’d gwar bana mo shwane/ ki ’kwani ’kon mmocu mis ap̱o/ ana mo,

³dhali yan’ko’d uni mini ’taki los ana ki ’kolo’c ki e mo, ka nyor buni jin ’thakina uni ap̱o/ ana mo.

⁴Dhali yan’ko’d agannu/ yi’de/ midi ’taki dhi’th ana sho’k ka pupush mo, dhali yi’de/ jin mishi’da ŋwac̱a/ midi ’taki kum ana ’twa/a ’cesh mo,

⁵dhali yan’ko’da p̱o/ ana mo tani yi’de/ jin wuluski eŋ ḵuthar mo.

⁶Mom’bor mii gom Tap̱a mo, a’di jin diki c̱i ana ki shem buni mmo’kwar mo.

⁷Ana yekina me’d ’dii ’pena gume/ ma mancesh to jin cesha a’di to mo, dhala gume/ ’ce’dki bwa mo dhali ana yekina mo.