Iba Gana 124:1-7

¹Anduane Homogohanda ina biamogo nabinidale ina nde abiore kamaledabe. Bi o larogoniore Isaraele wali agali tígua bi ogodagua ladai bidaba-o.

²Inanaga waitigi hearume ina bo anda ibiyangi Anduane Homogo ibugua ina mo wialu biamogo nabinidale

³inanaga waitigi biarume tinaga keba holeneme ina bibahende mo ko howaore bo wahai kale.

⁴Iba li ibalu mbirale ibame hilu dambiho yalu puabo hagadagua inanaga waitigirume ina bamba bo mburi lalu erebaho wa heledale ndobe.

⁵Iba li hongoheore ibiyagome ina bibahende mbelelo yalu pialu yu ereba kagola homai kamale ndobe. Homabehego nahome yopene harimago kamagoni, lalu ladai bilimu.

⁶Inanaga waitigi bu hearume ina bibahende bo mburi laihe nale Anduane Homogo ibunime ina bibahende hatali wu haabo hayagonaga iname ibuhondo ka̱i̱ laaboore hami̱ya.

⁷Agalime ega gono wedaria ega mbira gono dagoha da puda halu kundulo mialu ibida porayadagua ina pirimagoni kamagoni. Ina gono wearuha do ngamalego Anduane Homogo ibugua gono kundulupe helaga biyagome ina yo pialu pene kamagoni.