Salmo 96:7-10

⁷Sikiyu is menge etew ziyà te menge nasyun, deliǥa niw is Nengazen. Deliǥa niw is gehem din wey zesen din.

⁸Deliǥa niw is kegkemeǥeǥehem din, ne uwit kew te pemuhat dutun te kedseled niw ziyà te valey zin.

⁹Azap kew kandin diyà te segradu he etuvangan din. Sikiyu is menge etew kayi te tivuuk he kelibutan, medtahud kew kandin diyà te etuvangan din.

¹⁰Tudtula niw ziyà te menge nasyun is edhenduen te, “Edhadì is Nengazen.” Melig-en is kedsevuka zin te kelibutan ne kenà heini egkewaleng. Edhukuman din is menge etew te kedhukum he wazà egkevintahaan.