10He Megbevayà, sengemenu keluǥayad is kebpeel-elezi te kuntada zey kenikew? Taman en be te taman is ked-un-undaha zan kenikew?
11Maan is wazè nu pa sikandan siluti? Maan is henduen be te kenè nu edwelengen is menge velad nu? Dèdeeti nu en sikandan!
12Iyan ka, Megbevayà, hadì dey puun pa zengan, ne kemahabet nu en libriya is menge etew kayi te kelibutan.
13Pinaaǥi te ǥehem nu neluwisan is tanà diyà te dizalem te zaǥat, iyan ka migevà te menge ulu te zezekelà he menge langgam diyà te zaǥat.
14Iyan ka migevà te menge ulu te menge dragun he Leviatan wey mibpekaan te menge lawa zan te menge langgam diyà te sibsivayan.