Salmo 60:2-6

²Midhuyung nu wey impeveka nu is tanà he Israel, iyan, guntaan edhangyù a ziyà te kenikew he purungi nu en heini su hapit en egketempag.

³Sikami is menge etew nu ibpepurung key kenikew ibpaantus. Ebpekeziregdireg key en he henduen be te midlangut key kenikew te vinu.

⁴Piru sikami is edtahud kenikew, ebpetizeenan key kenikew su wey key mekelikey te vesut te panà te menge kuntada.

⁵Luwasa key pinaaǥi te ǥehem nu. Tevaka nu is menge kebpengemuyù dey su para melibri key is menge minahal nu.

⁶He Megbevayà, migkaǥi ka ziyà te valey nu te, “Ebpekezaag a; ebehinen ku is Shekem wey is Suǥud he Sucot ne ibpemeǥey ku ziyà te menge etew ku.