Salmo 58:6-11

⁶He Nengazen he Megbevayà, iawè nu is kebpekegaga zan te kebpendezaat he iring te edsepù ka te ngipen te menge erimaung.

⁷Mahanew pezem sikandan iring te wahig he egkemezahan, ne emun ebpanà sikandan, ne kenè dan pezem mekeigù.

⁸Meiring pezem sikandan te tuwey he egkaapug, etawa vatà he neranran he wazè en mekevulug mekaahà te merayag.

⁹Dezeeti nu sikandan, batà etawa meǥurang. Dezeeti sikandan he meǥaan pa te ed-initen he ziniyun he edtevunan te menge zezeisey he kayu.

¹⁰Egkelipey is menge metazeng emun egkeehè dan he edsilutan nu is menge lalung ne ebpematey sikandan.

¹¹Dutun ebpekekaǥi is menge etew te, “Tutuu iyan he zuen suhul te menge metazeng; ne zuen Megbevayà he edhukum te menge etew kayi te kelibutan.”