11Kena a kenikew segseǥa puun te etuvangan nu, ne kenè nu iawà kayi te kediey is waǥas he Mulin-ulin nu.
12Ilikù nu kayi te kediey sikan is kelipey he neseǥazan ku hein midlibri a kenikew. Ne veǥayi a te metinumanen he ǥehinawa.
13Ne zutun ibpenurù ku is menge paaǥi nu ziyà te menge mekesesalà su para mekelikù sikandan diyà te kenikew.
14He Megbevayà he menluluwas ku, libriya a te salè ku he iyan is kedhimatey, ne ebpekezaǥing a is edtudtul te kedlibriya nu kedì.