Salmo 35:26-27

²⁶Is langun he iyan igkelipey zan is menge kebpekaantus ku, berakat he egkepeel-elezan wey egkeliveg sikandan. Berakat he sikan is langun he neminusan kediey, kenà medlampus is tuyù dan wey mepeel-elezi sikandan.

²⁷Berakat he mekeugyab te kegkelipey is menge etew he igkelipey zan is kenà ked-utengi kedì te salà he impesangil kedì. Berakat he layun sikandan mekekaǥi te, “Utew zait he edeliǥen is Nengazen ne igkelipey zin is keupiyaanan te suluǥuen din.”