Salmo 33:6-12

⁶Pinaaǥi te lalag te Nengazen, nehimu is langit: andew, bulan, wey menge vituen.

⁷Midtingeb din is wahig te zaǥat he henduen be te intaǥù diyà te gerepun etawa insavuk diyà te budiga.

⁸Is langun he etew kayi te kelibutan ereg he edtahud te Nengazen.

⁹Su migkaǥi zà sikandin ne nehimu en is kelibutan. Mibmandù dà sikandin ne nehimu is langun.

¹⁰Edèdeetan te Nengazen is pelanu te menge nasyun, ne kenè din idtuǥut he medlampus is menge tuyù dan.

¹¹Piru is kandin mulà he menge pelanu ne ebpedayun te wazà pidtemanan; is kandin he menge ketuyuan kenà egkaawà taman te taman.

¹²Utew zeyzey is nasyun he iyan Megbevayè din is Nengazen. Utew zeyzey is menge etew he migaked te Nengazen.