Salmo 29:2-10

²Deliǥa niw is kegkemekeǥeǥehem din. Ezapa niw sikandin diyà te segradu he etuvangan din.

³Ebpenriǥungriǥung is laǥeng te Nengazen he iyan kes mekeǥeǥehem he Megbevayà, ne egkezineg heini ziyà te menge zaǥat.

⁴Is laǥeng te Nengazen, mekeǥeǥehem wey zekelà is dengeg din

⁵ne ebpekevadtì te melig-en he kayu ziyà te Lebanon.

⁶Edhuyungen te Nengazen is menge vuntud diyà te Lebanon wey Hermon, ne egkeiring heini te nati he vaka he edlinglingketew.

⁷Is laǥeng te Nengazen, ebpekepekilat

⁸wey ebpekehuyung te sibsivayan; egkehuyung din minsan is sibsivayan diyà te Kadesh.

⁹Is laǥeng te Nengazen, ebpekepaanak te selazeng wey ebpekepetaktak te zahun te menge kayu. Ne ziyà te valey zin ibensag te langun is lalag he, “Mekeǥeǥehem is Megbevayà!”

¹⁰Is Nengazen iyan ebmandù te zalem te menge wahig; iyan sikandin kes hadì he ebmandù te wazà pidtemanan.