Salmo 21:6-11

⁶Ne ebpedayun is menge tuvad nu kandin. Ne utew nekeveǥey kandin te kelipey is kebpekiduma nu kandin,

⁷su edsarig man sikandin kenikew te Nengazen he iyan kes Utew Lavew he Megbevayà. Ne tenged te kebmahala nu kandin, ne kenà sikandin egkemenu.

⁸Is gehem nu ne iyan ebpekezaag te langun he menge kuntada nu.

⁹Emun ebpeehè ke en kandan, edezeetan nu sikandan, ne egkeiring sikandan te rapug he utew meregreg. Ne tenged te pauk nu kandan, ed-epuren nu sikandan te hapuy.

¹⁰Edhimetayan nu is langun he kevuwazan dan, ne wazà edresik kandan.

¹¹Mezaat is pelanu zan kenikew, piru kenè dan edlampus.