Salmo 119:68-71

⁶⁸Meupiya ka iyan wey meupiya is mibpemeelan nu. Penurua a te menge sulunuzen he ibpesunud nu.

⁶⁹Minsan mibutbutangan a te menge gelbuwen, midtuman ku ǥihapun is menge sulunuzen he ibpesunud nu te ebpuun te tivuuk he ǥehinawa ku.

⁷⁰Heini is menge gelbuwen, kenà sikandan ebpekesavut te kesuǥuan nu. Piru siak, igkelipey ku is kedtuman kayi.

⁷¹Meupiya is kedsilut nu, su pinaaǥi kayi nepenurù a te menge penurù nu.