Salmo 119:142-145

¹⁴²Is ketazeng nu wazà pidtemanan wey tutuu is kesuǥuan nu.

¹⁴³Nekesaǥad a te kedlised wey kemereǥenan, piru nekeveǥey kedì te kelipey is menge suǥù nu.

¹⁴⁴Wazà pidtemanan is ketazeng te menge penurù nu. Beǥayi a te kedsavut te menge penurù nu su para mebpedayun is kegkeuyag-uyag ku.

¹⁴⁵Nengumew a kenikew, Nengazen, te ebpuun kayi te tivuuk he ǥehinawa ku; tevaka a kenikew ne edtumanen ku is menge sulunuzen he ibpesunud nu.