Sale 90:7-12

⁷Mainana tama em medi dididiga ya yovona ba ka launeḡaneḡa, tama ke naile gulatem.

⁸Tam ema gebogebo matabudi taukitedi, tama kasivusivu waidavonedi bi geḡa te tam matabudi kwa kitekitedi.

⁹Tam em medi, tama ema miya dobumo ya bwalibwali ḡavuki. Bi ema yawasana kwa kaikaikamaḡe makaiyedi, maibena lava nuwana peki bi yawasina ya tautau guduna mainana.

¹⁰Bi tama dobumo ka miyana kwalabu 70, bamoda lava i miya ḡaiḡailisina ba 80 ya vai, bi nopodimo yavi bi wainuwatoi ka banabanvidi, bi mote kama miya wailofa te ka pekipeki.

¹¹Bi em medi dididiga mote aiyai mayana i vai, augunai em medi mayana ka vai, maso ba ke vivile kauwem.

¹²Kwai lovemai te bainewa lofana ka miya te noḡota didimanidi lisimmo ka legaudi, banina niga dobunemo ema miya mote ima lofa.