SALAMO 72:8-14

⁸Davara ta amo ela bona davara ta, ia baine lohia; sinavai badana ela bona tanobada dokodia danu.

⁹Ia inaina na ia vairanai bae igo diho, bae goru goru diho, kahu bae demari.

¹⁰Tarasisi pavapavadia bona motumotu pavapavadia ese edia heaiva ḡaudia bae mailai, ena. Sieba bona Seba pavapavadia ese herahia ḡaudia bae mailai.

¹¹Pavapava iboudiai na ia vairanai bae goru diho; bese iboudiai na ia isiaina bae lao heni.

¹²Badina be e dabumu tauna e boiboimu negana ai ia ese e hamauriamu, ogoḡami tauna bona asi iduruna tauna danu.

¹³Ia ese manoka-manoka taudia bona ogoḡami taudia e bogadia hisimu bona e dabumu taudia e hamauridiamu.

¹⁴Daḡedaḡe bona ala-ala amo ia ese edia mauri e rauadiamu, raradia na ḡau herea-daena ia vairanai.