SALAMO 72:14-18

¹⁴Daḡedaḡe bona ala-ala amo ia ese edia mauri e rauadiamu, raradia na ḡau herea-daena ia vairanai.

¹⁵Ena mauri baine daudau baine namo, Sieba gold-na bae henia. Ia dainai bae ḡuriḡuri hanaihanai, dina idoinai ia ihanamolaina bae noinoilaia.

¹⁶Aniani reidia na tano ai bae vara momomomo, ororo doridia reidia bae helado, anidia bae vara Lebanon ai na heto. Hanua hanua lalodiai taunimanima na bae hutuma, tano reidia na heheto.

¹⁷Ia ladana baine mia hanaihanai, ia harina baine hesiriu, dina do baine mia heḡereḡerena. Ia dainai taunimanima ese namo bae davaria, bese iboudiai ese ia namona bae gwauraia.

¹⁸Iehova, Israel Diravana, aita hanamoa; ia sibona hoa karadia e karamu.