Salmo 72:14-18

¹⁴Isalakana din biyag da sin mamalpaligat en daida, tan nabanol din biyag da en sisya.

¹⁵Omando koma din biyag na ya isagotan da si balitok ay mapod Arabia. Kanayon koma ay ikararagan da ta mantoltoloy di bindisyon Diyos en sisya.

¹⁶Mawada koma di ad-ado ay makan sin daga. Olay din toktok di dontog yan mamolaan da ya kaman mola ed Lebanon ay ad-adoy lames da. Din siyodad yan mapno si ipogaw koma ay kaman din logam sin dontog di kaad-ado da.

¹⁷Adi koman maliw-an din ngadana ya mantoltoloy din dayaw na basta mawawada din agew ed daya. Mabindisyonan din kaipoipogaw begew en sisya et amin ay nasyon yan idaydayaw das sisya.

¹⁸Yahweh ay Diyos di Israelita, madaydayaw ka, tan magay makaamag si kaeetnga mo adi et anggoy sik-a.