SALAMO 65:8-13

⁸Taunabunai tanobada hetoadia daudau-hereadia ai e nohomu taudia ese oiemu toa e gari henidiamu; oi ese dina dae tanodia bona dina diho tanodia o hamoalediamu. bena e moale hisi daemu.

⁹Tanobada o vadivadi heniamu, o haparipariamu, uma tanodia o hanamodiamu; Dirava ena sinavai na ranu ai e honumu, uma anidia o henidiamu, vada o haheḡaeḡaedia tanodia lalodiai.

¹⁰E ruadia tanodia o hapariparidia badamu, tano latalatadia o hataoradiamu, medumedu amo o hamanokadiamu, lalodiai e tubumu ḡaudia o hanamodiamu.

¹¹Emu herahia ese laḡani ihanamona e haḡuḡuruamu, aemu gabudia amo digara e dihomu,

¹²tano ḡaḡaena reidia ai e dihomu, ororo ese edia moale e rioamu.

¹³Rei gabudia ese mamoe seridia na e hadabuadiamu, koura ese uit e hadokiamu, ane e abimu, e moale hisi daemu.