SALAMO 55:13-20

¹³A tauna na oi, lau idaigu, lau bamogu, lau turagu korikori.

¹⁴Ta hereva-herevava mai moaleda ida, ta raka hebouva Dirava ena ruma ai.

¹⁵Mase na ediai baine kau, mauridia ai mase gabuna ai bae diho, mai garidia ida edia guri ai bae diho, be namo.

¹⁶A lau be Dirava do baina boi henia; Iehova ese baine hamaurigu.

¹⁷Adorahi ai bona daba ai bona dina tubua ai na maumaumu bona na ḡanaḡanamu. Ia ese lau gadogu baine kamonaia,

¹⁸ia ese lau laumagu baine hamauria; na tuarilaiamu tuarina amo baine hamaurigu, badina be hutuma ese e tuari henigumu.

¹⁹Dirava na baine hakala, baine tuidia, sene negana amo e nohomu Diravana; badina be taravatu asie badinaiamu, bona Dirava garina se garimu. (Selah)

²⁰Bamogu ese imana e haroroa, ia turana ihadikadia totona, ena gwauhamata e hadikaia.