SALAMO 40:1-4

¹Iehova na nariava mai haheaukagu ida; ia ese e igo diho henigu, egu taitai e kamonai.

²Ia ese guri dikana amo e verigu lasi, kopukopu gabuna amo e abigu isi; aegu na nadi badana latanai e atodia kau, egu raka e reḡua.

³Ia ese ane matamata na udugu ai e atoa, eda Dirava ihanamolaina anena. Hutuma bae itaia, bena bae gari, bona Iehova bae abidadama henia.

⁴Iehova e abidadama heniamu tauna na namo; ia ese heaḡi taudia se matauraidiamu, bona dirava koikoidia ilao-henidia totona e raka sirimu taudia se haḡerediamu.