SALAMO 28:2-5

²Durua totona lau noinoi neganai, egu hereva do oi kamonai henia. Bema egu imana lau abia isi, oiemu Duba Helaga ia noho kahana dekenai lau duduia, unai neganai lau dekenai mani do oi laloa.

³Kara dika taudia danu nega tamona, lau do oi panisia lasi. Kara kerere taudia danu, lau do oi hadikaia ore lasi. Idia ese maino hereva idia gwauraia noho, to edia kudoudia lalonai be badu ia noho.

⁴Edia kerere ena davana do oi henidia. Edia kara dika hegeregerena, davana idia dekenai do oi henia. Edia dika ibounai dainai do oi matakani henidia, bona edia dika davana korikori do oi henia momokani.

⁵Idia ese Lohiabada ena gaukara idia matauraia lasi. Lohiabada ena kara badadia idia laloa lasi. Unai dainai ia ese idia do ia veria diho momokani, bona do ia haginidia lou lasi.