SALAMO 22:1-8

¹Egu Dirava e, egu Dirava e, dahaka dainai vada o rak-atanigu? Dahaka dainai emu hekaha na dauhai e miamu? Dahaka dainai egu ḡanaḡana so kamonaimu?

²Egu Dirava e, dina ai na tai henimumu, a so haere henigumu; hanuaboi ai danu, to laḡa-ani asina davariamu.

³A oi na helaḡa; Israel taudia edia heimodai latadiai o nohomu.

⁴Tamamai ese oi e abidadama henimuva; e abidadama henimuva, bena oi ese o hamauridiava.

⁵E tai henimuva, bena e mauri; e abidadama henimuva, bena asie baia.

⁶A lau na biluga mo, dia taunimanima; taunimanima ese e ihi-ihiraigumu, egu bese taudia ese e dadaraigumu.

⁷E itagumu taudia iboudiai ese e kirikirilaigumu, bibinadia e hamue henigumu, kwaradia e taiko-taikomu, e tomu

⁸“Ia ese Iehova e abidadama henia, Iehova ese baine hamauria, baine harohoa mauri; badina be ia ese e moalelaiamu”.