Psalms 22:1-8

¹(David ko wur) Aninga Kaem, aninga Kaem, ni awuk se biring gurugu aisem? Ni awuk se aninga aira me ikisam, ale awuk se ani me aga sangorsam?

²O aga Kaem, ani woremkalal ka arusam, bare ni ani agiring me ilusam; aking tirom ai lagasam, aeman me sapasam.

³Bare ni King, keta laili nunguningkiri; ana Israel suen la ni nip patawusan.

⁴Nanga taleng girigir ni ko ko nongomang ningi nunguning aram, se ni memek ningi nunga sangem ale nunga giem.

⁵Nuna nikate niaman, se ni nunga sangem; nuna ni ko ko nongomang ningi nunguning aram, se ni me nunga bita tokasam, am nunga sangarukasam, ale nunga giem.

⁶Bare ani kariimet iwita mena, ani ali ko malalok iwita; kariimet suen la ani agarki maguwusan ale aga gusisan.

⁷Ale suen la agarkasan mu den kolara balsan, ale nusumulak daleluwu sapasan ale nusupuling sapa gilingisan.

⁸Ale aga manorsan, “Ni Yawe ko gemang ningi nunguning masam, bare awuk se me ka sangarso? E nu nika kueso, mu awuk se me ka sangarso?” iwita aga balu gilingisan.