SALAMO 136:14-26

¹⁴Israel taudia na bogaragina amo e harakadia hanai; badina be ena hebogahisi na e hesiriu hanaihanaimu.

¹⁵A Farao bona ena tuari oreana na Davara Kakakakana ai e hadareredia; badina be ena hebogahisi na e hesiriu hanaihanaimu.

¹⁶Ena orea taudia na tano ḡaḡaena amo e hakaudia hanai; badina be ena hebogahisi na e hesiriu hanaihanaimu.

¹⁷Pavapava badadia e aladia; badina be ena hebogahisi na e hesiriu hanaihanaimu.

¹⁸Bona pavapava mai haridia e aladia mase; badina be ena hebogahisi na e hesiriu hanaihanaimu.

¹⁹Sihon, Amoro pavapavana; badina be ena hebogahisi na e hesiriu hanaihanaimu.

²⁰Bona Og, Basan pavapavana; badina be ena hebogahisi na e hesiriu hanaihanaimu.

²¹Bena edia tano na haida e henidia, bae ḡaunaia; badina be ena hebogahisi na e hesiriu hanaihanaiamu.

²²Ena hesiai tauna Israel ese e ḡaunaia; badina be ena hebogahisi na e hesiriu hanaihanaimu.

²³Ia ese e laloda tao eda noho dika ai; badina be ena hebogahisi na e hesiriu hanaihanaimu.

²⁴Bona inaidia imadia amo e harohoda mauri; badina be ena hebogahisi na e hesiriu hanaihanaimu.

²⁵Ia ese mauri ḡaudia iboudiai adia e henidiamu; badina be ena hebogahisi na e hesiriu hanaihanaimu.

²⁶Guba Diravana ba hanamoa; badina be ena hebogahisi na e hesiriu hanaihanaimu.