SALMOS 136:14-26

¹⁴Huan quinpanolti nopa israelitame ipan tlali huactoc tlatlajco nopa hueyi atl, pampa iteicnelijcayo ax quema tlami.

¹⁵Pero quinatzonpolihuilti Faraón huan isoldados ipan nopa hueyi atl, pampa iteicnelijcayo ax quema tlami.

¹⁶Xijtlascamatica Toteco tlen quinyacanqui itlacajhua ipan nopa huactoc tlali, pampa iteicnelijcayo ax quema tlami.

¹⁷Xijtlascamatica yajaya tlen quinmanahui itlacajhua ininmaco tlanahuatiani tlen quipixque miyac chicahualistli, pampa iteicnelijcayo ax quema tlami.

¹⁸Yajaya quintzontlamilti huejhueyi tlanahuatiani tlen tlahuel quipiyayayaj chicahualistli, pampa iteicnelijcayo ax quema tlami.

¹⁹Quitzontlamilti Sehón, inintlanahuatijca nopa amorreos, pampa iteicnelijcayo ax quema tlami.

²⁰Nojquiya quimicti Og, tlanahuatijquetl tlen tlali Basán, pampa iteicnelijcayo ax quema tlami.

²¹Huan inintlal nopa tlanahuatiani, Toteco quinmacac itlacajhua queja se tlamantli tlen inintata quincahuilijtejqui, pampa iteicnelijcayo ax quema tlami.

²²Quena, quimacac itlatequipanojca Israel para ma moaxcati nopa tlali para nochipa, pampa iteicnelijcayo ax quema tlami.

²³Yajaya tlen techilnamijqui tiisraelitame quema ayoc tijpiyayayaj chicahualistli, pampa iteicnelijcayo ax quema tlami.

²⁴Yajaya techmanahui ininmaco tocualancaitacahua, pampa iteicnelijcayo ax quema tlami.

²⁵Yajaya quinmaca tlacualistli nochi tlamantli tlen yoltoque, pampa iteicnelijcayo ax quema tlami.

²⁶Xijtlascamatica Toteco Dios tlen quinahuatía elhuicactli, pampa iteicnelijcayo ax quema tlami.