Sɑ̃ɑrun Woodɑ 3:6-13

⁶Goo ù n siɑrɑbun yɑ̃kuru mɔ̀ kɑ yɑ̃ɑru, yɑ̃ɑ te u wɑ kpurowɑ u koo kɑ nɑ, bɑɑ ǹ n nirun nɑ, tɑ kun gesi ɑlebu mɔ.

⁷Ǹ n yɑ̃ɑ kpɛndun nɑ, u koo kɑ tu dɑwɑ Yinni Gusunɔn wuswɑɑɔ.

⁸Kpɑ u win nɔmɑ sɔndi ten wiru wɔllɔ u sere tu sɑkɑ Yinni Gusunɔn kurun kɔnnɔwɔ. Sɑɑ yerɑ yɑ̃ku kowobu bɑ koo ten yɛm suɑ bu yɛ̃kɑ bu kɑ yɑ̃ku yee ten nɔɔ bɔkɑ sikerenɑ.

⁹Wee ye bɑ koo Yinni Gusunɔ dɔ̃ɔ dokeɑ, yerɑ ten gum, kɑ ten siru kpuro te bɑ koo burɑ sɑɑ ten gɑbu wɑ̃ɑn di, kɑ gum mɛ mu bɔsɔnu wukiri,

¹⁰kɑ ten gɑbu swii, kɑ ten gum mɛ mu wɑ̃ɑ yɛ̃sɑɔ kɑ ten buro ge gɑ woru wukiri, ge bɑ koo wĩɑ kɑ gɑbu swii sɑnnu.

¹¹Yɑ̃ku kowo u koo ye kpuro dɔ̃ɔ dokewɑ yɑ̃ku yerɔ, kpɑ yɑ n sɑ̃ɑ yɑ̃ku dɔ̃ɔ mwɑɑrɑrugiru Yinni Gusunɔn sɔ̃.

¹²Goo ù n mɑɑ kɑ boo yɑ̃kuru mɔ̀, u koo kɑ gu dɑwɑ Yinni Gusunɔn wuswɑɑɔ.

¹³U koo win nɔmɑ sɔndiwɑ boo gen wiru wɔllɔ kuu ten kɔnnɔwɔ, kpɑ u sere gu sɑkɑ. Kpɑ yɑ̃ku kowobu bu gen yɛm suɑ bu yɛ̃kɑ yɑ̃ku yerun nɔɔ bɔkɑɔ bu kɑ sikerenɑ.