Taha Bapare Sâcmutâc 3:6-13

⁶“Me Wofuŋ wama bâzi rikecnezo manasurâ lama noniŋfâcne jaŋeraonec ŋicne me ŋokacne moc roocte ecneme ine biaŋne moc rozejec.

⁷E lama moc bâzi rikezo murâ Wofuŋte maio rikezejec.

⁸Ehuc meticnezi qowi qizecne bânduŋkerâ tutumaŋ qoruc bozere motâcko qâhâmozejec; ehame Aroŋ ŋokâfâcne jaŋe socticne rorâ alata râreckehuc tienʒepieŋ.

⁹Eme qowi wama bâzire biŋe bâmockekicne irec wokemaŋ qârurune raruŋkerâ Wofuŋ bâzi rikecnezejec. Ehuc gecne wokemaŋnehec fuŋnao hetâcnekicne â qârurune sasawa,

¹⁰erâ râpe hândâŋ jajahecko wokemaŋzi bohotarâ fokac erâ bugâpâcko qârurune fokac i mâmâc bârâriec‐jopazejec.

¹¹Eme taha bapazi wiac i rorâ alata faio Wofuŋ tiwâ bâzi rikecnezejec.

¹²“Me taha bâzire biŋe noniŋ moc râeocmu ine Wofuŋte maio rikezejec.

¹³Ehuc meticnezi qowi qizecne bânduŋkerâ tutumaŋ qoruc bozere motâcko qâhâmozejec; ehame Aroŋ ŋokâfâcne jaŋe socticne rorâ alata râreckehuc tienʒepieŋ.