Sɑ̃ɑrun Woodɑ 26:14-20

¹⁴Yinni Gusunɔ u nɛɛ, ì kun nɛn woodɑbɑ mɛm nɔɔwɛ, mɑ i ǹ sĩimɔ ye sɔɔ,

¹⁵mɑ i nɛn ɑrukɑwɑni yinɑ, i nɛn woodɑbɑ biru kisi, i ǹ kɑ bu sɔmburu kue,

¹⁶wee ye kon bɛɛ kuɑ. Kon bɛɛ bɛrum tiɑ kpɑ n de wɑsi sun bɑkɑru tu bɛɛ wɔri i woorɑ sere bɛɛn nɔni yi tondɑ kpɑ i n wɑhɑlɑ mɔ̀. Kɑm sɔɔrɑ i ko i bɛɛn dĩɑnu duure. Domi bɛɛn yibɛrɛbɑrɑ bɑ koo nu di.

¹⁷Kon bɛɛ biru kisi kpɑ bɛɛn yibɛrɛbɑ bu bɛɛ kɑmiɑ. Kpɑ be bɑ bɛɛ tusɑ bu bɛɛ dɑm dɔre. I ko i duki yɑkikirɑwɑ bɑɑ bɑ̀ kun bɛɛ nɑɑ gire.

¹⁸Yenibɑ kpuron biru, ì kun mɑn mɛm nɔɔwɛ, kon bɛɛ sɛɛyɑsiɑ too too bɛɛn torɑrun sɔ̃.

¹⁹Kon bɛɛn dɑm buɑ mɛ̀n sɔ̃ i tii sue. Kon de wɔllu tu bɔbiɑ nge sisu kpɑ gurɑ yu ku nɛ. Kpɑ tem mu bɔbiɑ nge sii gɑndu.

²⁰I ko i bɛɛn dɑm dɔrɑwɑ kɑm sɔɔ. Domi tem mu ǹ dĩɑnu mɔ̀. Mɛyɑ dɑ̃nu nu ǹ mɑɑ mɑrumɔ.