Sòm 66:11-17

¹¹Ou te kite nou tonbe nan pèlen an. Ou te mete yon chay lou sou do nou.

¹²Ou kite nenpòt moun ap pase nou lòd. Nou pase nan dife, nou pase nan gwo dlo. Men, ou wete nou nan tout move pa, ou delivre nou.

¹³M'a vin lakay ou ak bèt pou yo boule pou ou, m'a ofri ou sa mwen te pwomèt ou a.

¹⁴M'a kenbe pawòl mwen te di lè m' te nan tray la.

¹⁵M'a ofri mouton byen gra pou yo boule pou ou sou lotèl la, ansanm ak odè vyann y'ap boukannen pou ou. Wi, m'a ofri ou towo bèf ak bouk kabrit.

¹⁶vin koute non, nou tout ki gen krentif pou Bondye. M'a di nou sa Bondye fè pou mwen.

¹⁷Mwen rele nan pye l', mwen te deja pare pou m' te fè lwanj li.