Pesalem 66:11-17

¹¹Aôm kôkêŋ aêac awê uc. Aôm kôkêŋ gêŋwapac gêsac aêac dêmôêŋtêkwa tôŋ.

¹²Aôm kôkêŋ ma ŋacjo sêka aêac lênsôŋ. Aôm kôkêŋ aêac asa ja to bu ŋasamac ŋalêlôm aja, mago galoc gôwê aêac sa jaakô gamêŋ ŋajam.

¹³Aê todajageŋ jasô nêm andu ma jaŋgôm biŋ, taŋ gajac mata su naŋ, ŋanô êsa.

¹⁴Gêdêŋ taŋ kapô lêna naŋ, kasôm lasê ma aocsuŋ kasôm kêtu tôŋ gebe jaŋgôm gêŋ tau tonaŋ.

¹⁵Aê gabe jansuŋ domba ŋalêsi êtu daja to domba kapoac ŋada ŋamalu êsa êndêŋ aôm. Aê gabe jamansaŋ bulimakao to noniŋ kapoac atu da êndêŋ aôm.

¹⁶Amac lau, taŋ atêc Anôtô naŋ, samob amêŋ aŋô. Aê gabe janac miŋ biŋ, taŋ eŋ kêmoasiŋ ŋoc katuc naŋ.

¹⁷Aê aocsuŋ gamôêc kapôêŋ gêdêŋ eŋ ma wê lambiŋŋa gêc imbeloc ŋatêpôê.